حواديت قبل النوم

Laatste aflevering:16 aug 2025 – جمجمة لورنس العرب | بطل أم عميل مزدوج؟

حواديت قبل النوم

التاريخ مش مجرد أرقام وتواريخ جافة، التاريخ هو أعظم سيناريو درامي اتكتب في البشرية! في بودكاست "حواديت قبل النوم"، بيفتح معاكم أدهم أمين أغرب وأعقد ملفات التاريخ، وبياخدكم في رحلة صوتية غامرة بالعامية المصرية. هنغوص في عقول الملوك، ونشهد على سقوط الإمبراطوريات، ونسمع الحكايات المنسية اللي غيرت شكل العالم. خليط بين التحليل النفسي، الدراما التاريخية، والقصة الممتعة. جهز قهوتك أو كوباية الشاي، وافصل من الحاضر عشان تسافر معانا للماضي في كل سهرة من "حواديت قبل النوم".

Door أدهم أمين

Volg podcast

Luister via:

Afleveringen

جمجمة لورنس العرب | بطل أم عميل مزدوج؟

في حلقة النهاردة من _حواديت قبل النوم_، بنغوص في واحدة من أكتر القصص غموضًا وإثارة في القرن العشرين: جمجمة لورنس العرب. مين كان توماس إدوارد لورنس؟ بطل ولا عميل مزدوج؟ بنمشي معاه من طفولته الغامضة في بريطانيا، لحد دوره في الثورة العربية الكبرى، وعلاقته بالقبائل العربية، والمعارك اللي خاضها ضد العثمانيين، وصولًا إلى النهاية اللي قلبت كل الموازين. هنتعرف على أسرار مخفية، رسائل شخصية، وخطط سياسية خلت الحلم العربي يتبخر قبل ما يبدأ Dark Walk Kevin MacLeod (incompetech.com) Licensed under Creative Commons: By Attribution 3.0 License http://creativecommons.org/licenses/by/3.0/ Music promoted by https://freemusicbg.com and https://www.chosic.com. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

الخطايا السبع المميتة | بين أفكار إيفاغريوس البنطي و أدب دانتي

في أولى حلقات الموسم التاني من بودكاست حواديت قبل النوم، بنغوص في رحلة فكرية وروحية بدأت من صحراء مصر في القرن الرابع الميلادي، لما راهب اسمه إيفاغريوس البنطي كتب عن 8 أفكار كان شايف إنهم بيبعدوا الإنسان عن طريق الله. الأفكار دي اتطورت بعد كده في التاريخ الكنسي وبقت معروفة باسم الخطايا السبع المميتة: الشراهة، الشهوة، الطمع، الغضب، الحسد، الكسل، والكبرياء. في الحلقة دي، هنعرف: إزاي بدأت المفاهيم دي؟ ليه اتصنّفوا إنهم "مميتة"؟ وإزاي أثّروا على المسيحية، والأدب، والفن، وحتى حياتنا لحد النهاردة؟ حدوتة بتبدأ في الصحراء… وبتوصل لكل بيت. Dark Walk Kevin MacLeod (incompetech.com) Licensed under Creative Commons: By Attribution 3.0 License http://creativecommons.org/licenses/by/3.0/ Music promoted by https://freemusicbg.com and https://www.chosic.com Hosted by Simplecast, an AdsWizz company. See pcm.adswizz.com for information about our collection and use of personal data for advertising.

الموسم التاني من "حواديت قبل النوم" | التاريخ مش كله في الكتب

التاريخ مش كله في الكتب، في الموسم التاني من حواديت قبل النوم مش بس هنحكي التاريخ و نسكت لكن كمان هنحاول نغوص في فلسفة الحدث. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

نفرتيتي | أين اختفت!

في حلقة النهاردة من حواديت قبل النوم، بنغوص في واحدة من أكتر الشخصيات غموضًا في تاريخ مصر القديمة: الملكة نفرتيتي، صاحبة الوجه الأشهر في الحضارة الفرعونية، واللي رغم تمثالها اللي اتخلد في متاحف الغرب، لسه لحد النهاردة مش عارفين فين قبرها… ولا حتى نهايتها. بنحكي مشوارها من لحظة ظهورها جنب إخناتون، وثورتهم الدينية الكبرى، لحد لحظة اختفائها الغامضة، ومحاولات العلماء كشف مقبرتها، وسر التمثال اللي اتاخد من مصر وبقى رمز عالمي. هل كانت أول فرعون أنثى في السر؟ هل اختفت… ولا اتشطبت من التاريخ؟ وهل ممكن نرجّع اللي التاريخ خبّاه؟ Dark Walk Kevin MacLeod (incompetech.com) Licensed under Creative Commons: By Attribution 3.0 License http://creativecommons.org/licenses/by/3.0/ Music promoted by https://freemusicbg.com and https://www.chosic.com Hosted by Simplecast, an AdsWizz company. See pcm.adswizz.com for information about our collection and use of personal data for advertising.

مكتبة الإسكندرية | الحقيقة وراء الحريقة

في حلقة النهاردة من حواديت قبل النوم، بنرجع ورا آلاف السنين، لمّا مكتبة الإسكندرية كانت جوهرة الحضارة، وأكبر مشروع علمي وثقافي في تاريخ مصر القديمة. في الحلقة دي، بنحكي تفاصيل حريق مكتبة الإسكندرية، ومن أول ما بطليموس بناها، لحد ما يوليوس قيصر دخل الإسكندرية، وتقاطع مع كليوباترا، وبعدين ظهرت روايات عن الحريق… هل فعلاً قيصر حرّقها؟ ولا المتعصبين الدينيين في العصور المسيحية؟ ولا فعلاً، زي ما بيتقال في بعض كتب التاريخ، كان المسلمين بقيادة عمرو بن العاص وقت الفتح الإسلامي؟ هنفصّل الشبهات، ونعرض الروايات، ونفهم إزاي الكذبة ممكن تعيش أطول من الحقيقة. دي مش بس قصة مكتبة، دي قصة عن التاريخ اللي بيتم تزييفه، والحضارات اللي بتتحرق مش بس بالنار .. لكن بالنسيان. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

معركة الإسماعيلة 25 يناير 1952

معركة الإسماعيلية – لما ٨٠ راجل وقفوا في وش إمبراطورية في 25 يناير 1952، وقف 80 من رجال الشرطة المصرية يدافعوا عن مبنى المحافظة في الإسماعيلية، قدّام جيش بريطاني كامل بالدبابات والمدفعية الثقيلة. ماكنش معاهم غير بنادق بسيطة… و شوية كرامة. في الحلقة دي من حواديت قبل النوم، بنحكي تفاصيل المعركة اللي خلت المصريين يقرروا يحتفلوا بيوم 25 يناير كـ "عيد الشرطة". إزاي بدأت الأزمة؟ وليه الإنجليز هجموا؟ وإزاي مصر كلها صحيت تاني يوم… والنار مولعة في قلب القاهرة؟ قصة بطولات منسية… وسؤال لسه مفتوح لحد النهاردة. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

عباس بن فرناس | الطائر الأول

في القرن التاسع الميلادي تحديدًا سنة 810م، وفي قلب مدينة قرطبة، ظهر عباس بن فرناس، واحد من أوائل العلماء المسلمين اللي حاولوا كسر المستحيل. مش بس كان شاعر وفيلسوف، لكن كمان كان أول إنسان في التاريخ يقوم بمحاولة علمية مسجلة للطيران باستخدام جناحين من صنع يده. في الحلقة دي من بودكاست "حواديت قبل النوم"، بنغوص في حياة الراجل اللي سبق عصره بمئات السنين، ونتعرف على اختراعاته في الفلك، والهندسة، والميكانيكا، وإزاي تجربته ألهمت تطور علوم الطيران لاحقًا. ليه الغرب خلد اسمه وسماه على فوهة قمرية، وإحنا في كتبنا بنديله سطر ونص؟ استعد لقصة علمية درامية منسية… بس أثّرت في العالم كله. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

ذات الصواري | عندما تحدث البحر العربية

ذات الصواري – لما البحر اتكلم عربي لأول مرة. في سنة 34 هـ، كان البحر ملك للروم، لكن في يوم واحد، كل شيء اتغير. في الحلقة دي من حواديت قبل النوم، بنحكي قصة أول معركة بحرية في تاريخ الإسلام، لما عبد الله بن أبي السرح خرج بأسطول من مصر، وقابل خمسمائة سفينة بيزنطية في قلب البحر. بنعيش مع الجنود أول لحظة خوف، ونسمع صدى التكبيرات وهي بتتردد فوق الميّة، ونشوف إزاي البحر اتعلم يقول "الله أكبر". من شواطئ الإسكندرية لغاية قلب المتوسط، قصة عن شجاعة وعبقرية وتحول في وجه التاريخ. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

فتنة الأمين و المأمون

في عهد هارون الرشيد، اتكتب عهد بـ نوايا طيبة… لكن بعد وفاته، اتحوّل الوعد إلى نار، والخلافة العباسية دخلت في أشرس حرب أهلية في تاريخها. في الحلقة دي من "حواديت قبل النوم"، بنحكي قصة الأمين والمأمون، ولاد هارون الرشيد، اللي بدل ما يكمّلوا مسيرته، لقوا نفسهم في ساحة حرب: حصار، خيانة، دم، وتاريخ اتكتب بسيوف الأخوات. من وصية هارون اللي بدأت المصيبة، لسقوط الأمين وراسه على باب بغداد، لقرار المأمون الصادم بتعيين "الرضا من آل محمد" وليًا للعهد، للسم اللي قلب التاريخ، ولحد موت خليفة بعيد عن بلده… وغريب عن شعبه. Hosted by Simplecast, an AdsWizz company. See pcm.adswizz.com for information about our collection and use of personal data for advertising.

هانيبال | الطفل الذي أقسم علي إسقاط روما

من طفل أقسم قدام أبوه إنه يكره روما، لقائد مشى بجنوده وسط التلج، وعدّى جبال الألب ومعاه أفيال، لعبقري عسكري غيّر شكل الحرب، وخلّى روما ترتجف كل ما اسمه يُذكر. في الحلقة دي من حواديت قبل النوم، بنحكي القصة الكاملة لـ هانيبال برقا: من بداية الغِلّ في قرطاج، لحد القرار الجنوني باجتياح روما، لمعركة "كاناي" اللي غيّرت التاريخ، للنهاية اللي اختار فيها السم… بدل الاستسلام. Hosted by Simplecast, an AdsWizz company. See pcm.adswizz.com for information about our collection and use of personal data for advertising.